Спадчына: Тышко Леанід Барысавіч
Аўторак, 24 Лістапад 2015 10:41
9 лістапада 2015 г. – 70 гадоў з дня нараджэння (1945) Леаніда Барысавіча Тышко, артыста эстрады, заслужанага артыста БССР, аднаго са стваральнікаў ВІА «Песняры»
Леанід Барысавіч Тышко нарадзіўся 9 лістапада 1945 года ў г. Брэсце. У 1964 годзе закончыў Брэсцкае музычнае вучылішча па класу домры. У тым жа годзе быў прызваны на тэрміновую службу ў Савецкую армію. Служыў у адной частцы Беларускай ваеннай акругі з Уладзімірам Георгіевічам Мулявіным (1941–2003). Менавіта там ён і пазнаёміўся з будучым арганізатарам і мастацкім кіраўніком легендарнага ансамбля «Песняры», народным артыстам БССР.